ଭାରତୀୟ ପାଣିପାଗ ବିଭାଗ (IMD) ମଙ୍ଗଳବାର ଦିନ ସୂଚନା ଦେଇଛି ଯେ, ଉତ୍ତର ଉପକୂଳ ଓଡ଼ିଶା ଏବଂ ଏହାକୁ ଲାଗି ରହିଥିବା ଗାଙ୍ଗେୟ ପଶ୍ଚିମବଙ୍ଗ ଉପରେ ସୃଷ୍ଟ ‘ଗଭୀର ଅବପାତ’ (Deep Depression) ଗତ ୬ ଘଣ୍ଟା ମଧ୍ୟରେ ଘଣ୍ଟା ପ୍ରତି ୧୨ କିଲୋମିଟର ବେଗରେ ପଶ୍ଚିମ-ଉତ୍ତରପଶ୍ଚିମ ଦିଗକୁ ଗତି କରିଛି ଏବଂ ବର୍ତ୍ତମାନ ଉତ୍ତର ଅଭ୍ୟନ୍ତରୀଣ ଓଡ଼ିଶା ଓ ଏହାକୁ ଲାଗି ରହିଥିବା ଗାଙ୍ଗେୟ ପଶ୍ଚିମବଙ୍ଗ ଉପରେ କେନ୍ଦ୍ରୀଭୂତ ହୋଇ ରହିଛି।
IMD ଅନୁଯାୟୀ, ଏହି ସିଷ୍ଟମ୍ ବା ବାୟୁମଣ୍ଡଳୀୟ ସ୍ଥିତି ବର୍ତ୍ତମାନ ବାରିପଦା (ଓଡ଼ିଶା)ରୁ ଦକ୍ଷିଣ-ପୂର୍ବ ଦିଗରେ ପ୍ରାୟ ୧୦ କିମି, ବାଲେଶ୍ୱର (ଓଡ଼ିଶା)ରୁ ଉତ୍ତର-ଉତ୍ତରପଶ୍ଚିମ ଦିଗରେ ୪୦ କିମି, ମେଦିନୀପୁର (ପଶ୍ଚିମବଙ୍ଗ)ରୁ ଦକ୍ଷିଣ-ପଶ୍ଚିମ ଦିଗରେ ୮୦ କିମି, ଜାମସେଦପୁର (ଝାଡ଼ଖଣ୍ଡ)ରୁ ଦକ୍ଷିଣ-ଦକ୍ଷିଣପୂର୍ବ ଦିଗରେ ୧୨୦ କିମି ଏବଂ କେନ୍ଦୁଝର (ଓଡ଼ିଶା)ରୁ ପୂର୍ବ-ଉତ୍ତରପୂର୍ବ ଦିଗରେ ୧୪୦ କିମି ଦୂରରେ ଅବସ୍ଥିତ।
ଆଇଏମଡି (IMD) ନିଜର ସର୍ବଶେଷ ବୁଲେଟିନ୍ରେ କହିଛି ଯେ, ଆଗାମୀ ୨୪ ଘଣ୍ଟା ମଧ୍ୟରେ ଏହା ଉତ୍ତର ଓଡ଼ିଶା, ଦକ୍ଷିଣ ଝାଡ଼ଖଣ୍ଡ ଏବଂ ଉତ୍ତର ଛତିଶଗଡ଼ ଦେଇ ପଶ୍ଚିମ-ଉତ୍ତରପଶ୍ଚିମ ଦିଗକୁ ଗତି ଜାରି ରଖିବାର ପ୍ରବଳ ସମ୍ଭାବନା ରହିଛି।
ଏହି ସମୟ ମଧ୍ୟରେ, ଉକ୍ତ ପାଣିପାଗ ପ୍ରଣାଳୀର ପ୍ରଭାବରେ ଓଡ଼ିଶାର ବିଭିନ୍ନ ଅଞ୍ଚଳରେ ଗତ ଦୁଇ ଦିନ ଧରି ପ୍ରବଳ ବର୍ଷା ଜାରି ରହିଛି।
ଓଡ଼ିଶାର କିଛି ସ୍ଥାନରେ ନଦୀଗୁଡ଼ିକ ବିପଦ ସଙ୍କେତ ଅତିକ୍ରମ କରିଥିବା ନେଇ ଖବର ମିଳିଛି। ଅତ୍ୟଧିକ ଜଳବନ୍ଦୀ ସ୍ଥିତି ଯୋଗୁଁ ବାଲେଶ୍ୱର ଏବଂ ରାଜ୍ୟର ଅନ୍ୟାନ୍ୟ ଅଞ୍ଚଳ ଜଳମଗ୍ନ ହୋଇପଡ଼ିଛି।
୨୪ ଘଣ୍ଟା ମଧ୍ୟରେ ଗଭୀର ଅବପାତ ଓଡ଼ିଶା ଉପରେ ଦକ୍ଷିଣ-ପଶ୍ଚିମ ଦିଗକୁ ଗତି କରିବ।
