ଶିବମ୍ ଦୁବେଙ୍କ ଅଲରାଉଣ୍ଡ୍ ପ୍ରଦର୍ଶନ ବଳରେ ଭାରତ ୨୦୨୬ ଟି-୨୦ ବିଶ୍ୱକପ୍ ରେ ନେଦରଲ୍ୟାଣ୍ଡସ୍କୁ ପରାସ୍ତ କରିଥିଲା।ପ୍ରଥମେ ବ୍ୟାଟିଂ କରି ଟିମ୍ ଇଣ୍ଡିଆ ୬ ୱିକେଟ୍ ହରାଇ ୧୯୩ ରନ୍ କରିଥିଲା ଏବଂ ଡଚ୍ ଦଳକୁ ବିଜୟ ପାଇଁ ୧୯୪ ରନ୍ ର ଟାର୍ଗେଟ ଦେଇଥିଲା।ଜବାବରେ, ନେଦରଲ୍ୟାଣ୍ଡସ୍ ଦଳ କେବଳ ୧୭୬ ରନ୍ କରିପାରିଥିଲା ଏବଂ ସୂର୍ଯ୍ୟକୁମାର ଯାଦବଙ୍କ ନେତୃତ୍ୱାଧୀନ ଦଳ ୧୭ ରନ୍ ରେ ମ୍ୟାଚ୍ ଜିତିଥିଲା।
ଅହମ୍ମଦାବାଦର ନରେନ୍ଦ୍ର ମୋଦି ଷ୍ଟାଡିୟମରେ ଖେଳାଯାଇଥିବା ଏହି ମ୍ୟାଚ୍ ରେ ଭାରତ ପାଇଁ ଶିବମ୍ ଦୁବେ ଚମତ୍କାର ବ୍ୟାଟିଂ କରିଥିଲେ ଏବଂ ଏକ ଅର୍ଦ୍ଧଶତକ ହାସଲ କରିଥିଲେ। ଦୁବେଙ୍କ 66 ରନର ଇନିଂସ ଟିମ୍ ଇଣ୍ଡିଆକୁ 193 ରନରେ ପହଞ୍ଚାଇବାରେ ସାହାଯ୍ୟ କରିଥିଲା।ତାଙ୍କ ବ୍ୟତୀତ ଅନ୍ୟ କୌଣସି ଭାରତୀୟ ବ୍ୟାଟସମ୍ୟାନ୍ ଅର୍ଦ୍ଧଶତକ ହାସଲ କରିପାରି ନଥିଲେ। ଏହି ବିଜୟ ସହିତ, ଭାରତୀୟ ଦଳ ଅପରାଜିତ ରହି ସୁପର 8 ରେ ପ୍ରବେଶ କରିଛି।
ଶିବମ୍ ଦୁବେଙ୍କ ଉତ୍କୃଷ୍ଟ ପ୍ରଦର୍ଶନ
ଭାରତୀୟ ଅଧିନାୟକ ସୂର୍ଯ୍ୟକୁମାର ଯାଦବ ଟସ୍ ଜିତି ପ୍ରଥମେ ବ୍ୟାଟିଂ କରିବାକୁ ନିଷ୍ପତ୍ତି ନେଇଥିଲେ। ପ୍ରଥମ ଓଭରରେ ହିଁ ଅଭିଷେକ ଶର୍ମା ଶୂନ୍ୟ ରନ୍ ରେ ଆଉଟ ହେବା ପରେ ଭାରତକୁ ବିପର୍ଯ୍ୟୟର ସମ୍ମୁଖୀନ ହେବାକୁ ପଡିଥିଲା।ଏହା ପରେ ଇଶାନ କିଷାନ ୧୮ ରନ କରି ଆଉଟ ହୋଇଥିଲେ। ଭାରତ ୬୯ ରନରେ ତିନୋଟି ୱିକେଟ ହରାଇଥିଲା ଏବଂ ସେମାନଙ୍କର ରନ ହାର ମନ୍ଥର ଥିଲା। ଏପରି ପରିସ୍ଥିତିରେ ଦୁବେ ଆକ୍ରମଣାତ୍ମକ ବ୍ୟାଟିଂ କରିଥିଲେ।
ଦୁବେ ୩୧ ବଲ୍ ରୁ ୬୬ ରନ୍ କରିଥିଲେ, ଯେଉଁଥିରେ ୪ ଚୌକା ଏବଂ ୬ ଛକା ସାମିଲ ଥିଲା। ଅଧିନାୟକ ସୂର୍ଯ୍ୟ ମଧ୍ୟ ୨୮ ବଲ୍ ରୁ ୩୪ ରନ୍ କରିଥିଲେ।ତିଲକ ବର୍ମା ୩୧ ରନ କରିଥିବାବେଳେ ହାର୍ଦ୍ଦିକ ପାଣ୍ଡ୍ୟା ଗୁରୁତ୍ୱପୂର୍ଣ୍ଣ ୩୦ ରନ କରିଥିଲେ। ନେଦରଲ୍ୟାଣ୍ଡସ ପକ୍ଷରୁ ଲୋଗାନ ଭାନ ବିକ ସବୁଠାରୁ ସଫଳ ବୋଲର ଥିଲେ ଏବଂ ସେ ତିନୋଟି ୱିକେଟ ନେଇଥିଲେ।
