ଇରାନରେ ଷ୍ଟାରଲିଙ୍କ ଇଣ୍ଟରନେଟ୍ ସେବାକୁ ମଧ୍ୟ ସମ୍ପୂର୍ଣ୍ଣ ଭାବରେ ଅବରୋଧ କରାଯାଇଛି। ଇରାନରେ ବିରୋଧୀ ସଦସ୍ୟମାନେ ଏହି ଇଣ୍ଟରନେଟ୍ ସେବା ବ୍ୟବହାର କରୁଥିଲେ, କିନ୍ତୁ ଏବେ ସରକାର ଏହାକୁ ମଧ୍ୟ ଅବରୋଧ କରିଦେଇଛନ୍ତି, ଯାହା ସୂଚନା ପ୍ରବାହକୁ ସମ୍ପୂର୍ଣ୍ଣ ଭାବରେ ବନ୍ଦ କରିଦେଇଛି।
ଇରାନରେ ସରକାର ବିରୋଧୀ ପ୍ରତିବାଦ ଜାରି ରହିଛି। ଏହି ହିଂସାତ୍ମକ ପ୍ରଦର୍ଶନରେ 648 ଜଣଙ୍କର ମୃତ୍ୟୁ ହୋଇଛି ଏବଂ 10,000 ରୁ ଅଧିକ ପ୍ରଦର୍ଶନକାରୀଙ୍କୁ ଗିରଫ କରାଯାଇଛି।
ଇରାନରେ ‘କଲ୍ ସ୍ୱିଚ୍’
ଦୁଇ ସପ୍ତାହ ପୂର୍ବେ ଇରାନରେ ବୃଦ୍ଧି ପାଉଥିବା ମୁଦ୍ରାସ୍ଫୀତି ଏବଂ ଆର୍ଥିକ କଷ୍ଟ ବିରୁଦ୍ଧରେ ପ୍ରତିବାଦ ଆରମ୍ଭ ହୋଇଥିଲା, ଯାହା ହିଂସାତ୍ମକ ସଂଘର୍ଷରେ ପରିଣତ ହୋଇଥିଲା। ବିରୋଧ ତୀବ୍ର ହେବା ସହିତ ଇରାନ ସରକାର ଇଣ୍ଟରନେଟ୍ ସଂଯୋଗକୁ ସମ୍ପୂର୍ଣ୍ଣ ବନ୍ଦ କରିବାକୁ ଚେଷ୍ଟା କରିଛି, ଏହି ପଦକ୍ଷେପକୁ “କିଲ୍ ସ୍ୱିଚ୍” ରଣନୀତି ଭାବରେ ଜଣାଶୁଣା।
ବିଶ୍ୱର ବିଭିନ୍ନ ଦେଶ ସଙ୍କଟ ସମୟରେ ଭୁଲ ସୂଚନା ପ୍ରସାରଣକୁ ରୋକିବା ପାଇଁ ଏହି ପ୍ରଯୁକ୍ତିବିଦ୍ୟା ବ୍ୟବହାର କରନ୍ତି। ପ୍ରଦର୍ଶନକାରୀଙ୍କ ମଧ୍ୟରେ ସୂଚନା ସଂଯୋଗକୁ ରୋକିବା ପାଇଁ ଇରାନ ସରକାର ଏହି ପଦକ୍ଷେପ ନେଇଛନ୍ତି।
ଇରାନ ଷ୍ଟାରଲିଙ୍କକୁ ଜାମ୍ କଲା
ଏଲୋନ ମସ୍କଙ୍କ ରକେଟ୍ କମ୍ପାନୀ ସ୍ପେସଏକ୍ସର ମାଲିକାନାରେ ଥିବା ସାଟେଲାଇଟ୍ କମ୍ପାନୀ ଷ୍ଟାରଲିଙ୍କକୁ ଜାମ କରିବା କଷ୍ଟକର ନୁହେଁ। ଏହାର GPS ସିଗନାଲଗୁଡ଼ିକୁ ବାଧା ଦେଇ ଏହାର ସେବା ସହଜରେ ବାଧାପ୍ରାପ୍ତ ହୋଇପାରେ।ଇରାନ ସରକାର ପ୍ରଦର୍ଶନକାରୀଙ୍କ ବିଶ୍ୱ ସହିତ ସମ୍ପର୍କ ଛିନ୍ନ କରିବା ପାଇଁ ଏହି ପଦକ୍ଷେପ ନେଇଛନ୍ତି।
