ପାକିସ୍ତାନ ୧୯ ବର୍ଷରୁ କମ୍ କ୍ରିକେଟ୍ ଦଳ ୨୦୨୫ ମସିହାରେ ଅନୁଷ୍ଠିତ ଏସିସି ପୁରୁଷ ୧୯ ବର୍ଷରୁ କମ୍ ଏସିଆ କପ୍ ଫାଇନାଲରେ ଭାରତୀୟ ୧୯ ବର୍ଷରୁ କମ୍ କ୍ରିକେଟ୍ ଦଳକୁ ୧୯୧ ରନରେ ପରାସ୍ତ କରି ପ୍ରଥମ ଥର ପାଇଁ ଟାଇଟଲ ଜିତିଥିଲା।ପୂର୍ବରୁ ଭାରତ ଏବଂ ପାକିସ୍ତାନ ୨୦୧୨ ମସିହାରେ ଟ୍ରଫି ବାଣ୍ଟିଥିଲେ। ଏହା ପାକିସ୍ତାନର ପ୍ରଥମ ଟ୍ରଫି।
ପାକିସ୍ତାନ ୩୪୭ ରନ କରିଥିଲା
ଟସ୍ ହାରି ପ୍ରଥମେ ବ୍ୟାଟିଂ କରିବାକୁ ଆସିଥିବା ପାକିସ୍ତାନ ସମୀର ମିନହାସଙ୍କ ୧୭୨ ଏବଂ ଅହମ୍ମଦ ହୁସେନଙ୍କ ୫୬ ରନ ବଳରେ ୫୦ ଓଭରରେ ୮ ୱିକେଟ ହରାଇ ୩୪୭ ରନ କରିଥିଲା।୩୪୮ ରନର ଟାର୍ଗେଟକୁ ପିଛା କରି ଭାରତ ୨୬.୨ ଓଭରରେ ୧୫୬ ରନରେ ଅଲଆଉଟ୍ ହୋଇଯାଇଥିଲା। ଭାରତ ଗ୍ରୁପ ପର୍ଯ୍ୟାୟରେ ପାକିସ୍ତାନକୁ ପରାସ୍ତ କରିଥିଲା।
୧୩୭ ରନ୍ ଯୋଡିଛନ୍ତି
ପାକିସ୍ତାନର ଆରମ୍ଭ ମଧ୍ୟମ ଥିଲା, ୩୧ ରନ୍ ରେ ହମଜା ଜହୁର (୧୮)ଙ୍କୁ କ୍ୟାଚ୍ ବିହାଇଣ୍ଡ୍ ହରାଇଥିଲେ। ଏହା ପରେ ସମୀର ମିନହାସ୍ ଉସମାନ ଖାନଙ୍କ ସହ ୯୨ ରନ୍ ର ପାର୍ଟନରସିପ୍ କରିଥିଲେ।୧୭ତମ ଓଭରରେ ଖିଲାନ ପଟେଲ ଉସମାନ (୩୫)ଙ୍କୁ ଆଉଟ୍ କରିଥିଲେ। ୪ର୍ଥ ସ୍ଥାନରେ ଆସିଥିବା ଅହମ୍ମଦ ହୁସେନ ସମୀରଙ୍କ ସହ ୧୩୭ ରନ୍ ଯୋଡ଼ିଥିଲେ। ୭୨ ବଲ୍ ରୁ ୫୬ ରନ୍ କରି ୩୮ତମ ଓଭରରେ ହୁସେନ ଆଉଟ୍ ହୋଇଥିଲେ।
ସମୀରଙ୍କ ବ୍ୟାଟ୍ ଗର୍ଜନ କଲା।
ସମୀରଙ୍କ ରୂପରେ ପାକିସ୍ତାନ ଚତୁର୍ଥ ଝଟକା ପାଇଲା। ଦ୍ୱିଶତକ ଆଡ଼କୁ ଅଗ୍ରସର ହେଉଥିବା ସମୀର ୧୧୩ ବଲ୍ ରୁ ୧୭ ଚୌକା ଏବଂ ୯ ଛକା ସହାୟତାରେ ୧୭୨ ରନ୍ କରିଥିଲେ। ହୁଜୈଫା ଆହସାନ ଅପରାଜିତ ରହିଥିଲେ।ଅଧିନାୟକ ଫରହାନ ୟୁସୁଫ ୧୮ ବଲରୁ ୧୯ ରନ କରିଥିଲେ। ମହମ୍ମଦ ଶାୟାନ ୭ ରନ ଏବଂ ଅବଦୁଲ ସୁଭାନ ୨ ରନ କରିଥିଲେ। ଭାରତ ପକ୍ଷରୁ ଦୀପେଶ ଦେବେନ୍ଦ୍ରନ ୩ ୱିକେଟ ନେଇଥିଲେ। ହେନିଲ ପଟେଲ ଏବଂ ଖିଲାନ ପଟେଲ ୨ଟି ଲେଖାଏଁ ୱିକେଟ ନେଇଥିଲେ।
